لك وحشتن في داخل القلب ظليت

لك وحشتن في داخل القلب ظليت
تسكن فؤادي ودايمن لك مكانة

يكذب لساني لو نطق قول حبيت
وشلون ابدل حب عز ابمهانة

بعت انا دنيتي فيك واشريت
وارخصت كل معشوق في زمانه

إلقربك يا غلا الروح ناديت
حبيت قلبك واشغلني افحنانه

رديت لي البسمة وانا لك دريت
وأبد ما ذوقتني المر وهوانه

ماخنتني ولا عني تخليت
وأرهنت لك قلبي وأمنته امانه

عطيتني الأمل وأنا لك أعطيت
يلا متى شوفك ونحرق شقانا